"Тэрытарыяльны цэнтр сацыяльнага абслугоўвання насельніцтва Першамайскага раёна г. Віцебска"

г. Віцебск, вул. 1-я Пралетарская, в. 20, каб. 16

тэл. 37 19 84

рэжым работы: штодня - з 8.00 да 17.00
абедзенны перапынак - з 13.00 да 14.00;
выхадны: субота, нядзеля

Які нарматыўны дакумент рэгламентуе парадак выдачы пасведчання шматдзетнай сям'і?

Парадак выдачы пасведчання вызначаны Палажэннем, зацверджаным пастановай Савета Міністраў Рэспублікі Беларусь ад 28.07.2011 г. № 1009

Пасведчанне з'яўляецца дакументам, які пацвярджае статус шматдзетнай сям'і, у якой на ўтрыманні і выхаванні знаходзяцца трое і больш дзяцей.

Хто мае права на атрыманне пасведчання шматдзетнай сям'і?

Права на яго атрыманне маюць шматдзетныя сем'і грамадзян Рэспублікі Беларусь, замежных грамадзян і асоб без грамадзянства, якія пастаянна пражываюць на тэрыторыі Рэспублікі Беларусь.

Дзе можна атрымаць пасведчанне?

Пасведчанне выдаецца мясцовай адміністрацыяй раёна ў горадзе (шматдзетнай сям'і пры звароце аднаго з бацькоў у поўнай сям'і (бацькі ў няпоўнай сям'і), які пастаянна пражывае ў Рэспубліцы Беларусь, у адпаведнасці з рэгістрацыяй па месцы жыхарства (месцы знаходжання) або па месцы фактычнага пражывання сям'і .

Хто ўключаецца ў склад шматдзетнай сям'і?

Пры выдачы пасведчання склад сям'і вызначаецца на дату звароту.

У складзе сям'і ўлічваюцца:

• маці (мачаха), бацька (айчым), усынавіцель (удачарыцель) (далей, калі не пазначана іншае, - бацька);
• дзеці ва ўзросце да 18 гадоў (уключаючы дзень дасягнення імі ўзросту 18 гадоў), якія знаходзяцца на ўтрыманні і выхаванні ў сям'і (родныя, усыноўленыя, удачароныя, пасынкi і падчарыцы), якія пастаянна пражываюць у Рэспубліцы Беларусь.

У складзе поўнай сям'і ўлічваюцца абодва бацькі, у тым ліку калі адзін з іх не з'яўляецца пастаянна пражываючым у Рэспубліцы Беларусь.

!Звярніце ўвагу!

У выпадку скасавання шлюбу дзеці ўлічваюцца ў складе сям'і таго з бацькоў, на ўтрыманні і выхаванні якога яны знаходзяцца.

Дзеці, народжаныя па-за шлюбам, улічваюцца ў складзе сям'і маці, калі па рашэнні суда не ўстаноўлена іншае.

Член сям'і, улічаны пры выдачы пасведчання ў складзе адной сям'і, у складзе іншай сям'і можа ўлічвацца пасля выключэння яго са складу сям'і ў раней выдадзеным пасведчанні.

У якім выпадку дзеці могуць быць не ўлічаныя ў склад шматдзетнай сям'і?

У складзе сям'і не ўлічваюцца дзеці:

• памерлыя, прызнаныя без вестак адсутнымі, абвешчаныя памерлымі;
• незарэгістраваныя па месцы жыхарства (месцы знаходжання) у Рэспубліцы Беларусь;
• у дачыненні да якіх бацькі (бацька ў няпоўнай сям'і) пазбаўлены бацькоўскіх правоў;
• адабраныя з сям'і па рашэнні суда без пазбаўлення бацькоў бацькоўскіх правоў;
• ад якіх бацькі (бацька ў няпоўнай сям'і) адмовіліся і падалі пісьмовую заяву аб згодзе на ўсынаўленне (удачарэнне);
• у дачыненні да якіх адменена ўсынаўленне (удачарэнне).

Як унесці ў пасведчанні змены і дапаўненні?

У пасведчанне ўносяцца звесткі аб падаўжэнні (скарачэнні) тэрміну яго дзеяння і іншыя змены ў выпадках:

• нараджэння (усынаўлення, удачарэння) дзіцяці (дзяцей);
• змены прозвішча, уласнага імя, імя па бацьку (калі такое ёсць), даты нараджэння бацькі, дзіцяці (дзяцей);
• смерці аднаго з бацькоў, дзіцяці (дзяцей), прызнання іх без вестак адсутнымі, аб'явы памерлымі;
• разарванне шлюбу ў поўнай сям'і або заключэнне шлюбу бацькам у няпоўнай сям'і;
• іншых змен у складзе сям'і.

Куды звярнуцца па пытанні ўнясення змяненняў і дапаўненняў у пасведчанне?

г. Віцебск, вул. 1-я Пралетарская, в. 20, каб. 16

тэл. 37 19 84

рэжым работы: штодня - з 8.00 да 17.00
абедзенны перапынак - з 13.00 да 14.00;
выхадны: субота, нядзеля

спецыяліст па сацыяльнай рабоце Лягкова Лізавета Аляксандраўна

на час яе адсутнасці - Налецкая Анастасія Віктараўна

Што трэба падаць для занясення змен і дадаткаў у пасведчанне?

• пашпарт
• арыгінал пасведчання
• копіі дакументаў, якія пацвярджаюць неабходнасць унясення змяненняў (пасведчанні аб нараджэнні, шлюбе, смерці, рашэнні суда аб разводзе, вызначэнні месца жыхарства дзяцей, пазбаўленні бацькоўскіх правоў і інш.)

Да якога тэрміну сапраўдна пасведчанне?

Пасведчанне сапраўдна да даты наступлення акалічнасці, якая вядзе да страты сям'ёй статусу шматдзетнай, уключна, а менавіта:

• дасягненне старэйшым дзіцём з траіх непаўналетніх дзяцей 18-гадовага ўзросту;
• вызначэнне месца пражывання дзіцяці (дзяцей) з бацькам, які не ўваходзіць у склад сям'і, – на падставе рашэння суда, пагаднення аб дзецях, шлюбнай дамовы, вызначэння аб судовым загадзе аб спагнанні аліментаў, пагаднення аб выплаце аліментаў пры вызначэнні месца пражывання дзяцей з адным з бацькоў і (або) пры ўстанаўленні аліментаў на ўтрыманне дзяцей;
• смерць дзіцяці (дзяцей), прызнанне яго (іх) без вестак адсутным(і), аб'яўленне яго (іх) памерлым(і);
• пазбаўленне бацькоў (аднаго з бацькоў у няпоўнай сям'і) бацькоўскіх правоў;
• адмена ўсынаўлення (удачарэння);
• адабранне дзіцяці (дзяцей) з сям'і па рашэнні суда без пазбаўлення бацькоў бацькоўскіх правоў.

ВАЖНА! Пры надыходзе абставін, якія цягнуць страту статусу шматдзетнай сям'і пасведчанне з'яўляецца несапраўдным і не можа выкарыстоўвацца для пацверджання права на сацыяльныя гарантыі і льготы, устаноўленыя для шматдзетных сем'яў.

Несапраўдным таксама лічыцца пасведчанне, якое змяшчае памылкі, падчысткі ці не абумоўленыя выпраўленні ў тэксце або аформленае неналежным чынам.

Што рабіць з несапраўдным пасведчаннем?

Пасведчанні па заканчэнні тэрміну дзеяння або несапраўдныя пасведчанні падлягаюць вяртанню.

Суправаджэнне асоб з ліку дзяцей-сірот і дзяцей, якія засталіся без апекі бацькоў

Калі ты маеш статус сіраты …

Табе ад 18 да 23 гадоў …

Ты скончыў(ла) установу адукацыі і працуеш, або шукаеш працу …

Пражываеш ў Першамайскім раёне г . Віцебска…

Ты можаш атрымаць дапамогу і паслугі суправаджэння у Цэнтры для асоб з ліку - дзяцей-сірот і дзяцей, якія засталіся без апекі бацькоў.

Паслуга прадугледжвае:

• аказанне садзейнічання ў вырашэнні пытанняў жыццяўладкавання (у тым ліку садзейнічанне ў рэалізацыі права на атрыманне часовага жылога памяшкання),
• кансультаванне па пытаннях афармлення рэгістрацыі, унясення аплаты за жыллёва-камунальныя паслугі, паслугі сувязі);
• садзейнічанне ў асваенні навыкаў самастойнага пражывання (дапамога ў асваенні навыкаў падтрымання парадку, утульнасці ў жылым памяшканні, прыгатавання ежы, распараджэння бюджэтам (грашыма), захавання і падтрымання ўласнага здароўя);
• кансультаванне па пытаннях атрымання прафесійнай адукацыі, працаўладкавання, часовай занятасці;
• прыцягненне да ўдзелу ў клубах па інтарэсах;
• аказанне садзейнічання ў атрыманні псіхолага-педагагічнага кансультавання ў мэтах паспяховай сацыялізацыі ў грамадстве, аказанне дапамогі ў вызначэнні аптымальных шляхоў арганізацыі ўласнага жыцця;
• аказанне садзейнічання ў атрыманні юрыдычнага кансультавання, уключаючы інфармаванне аб правах, гарантыях і льготах, рэалізацыі гэтых правоў.
• Таксама ў нас ты можаш атрымаць псіхалагічную падтрымку ў цяжкай жыццёвай сітуацыі, харчаванне дзецям да 2-х гадоў жыцця, адрасную матэрыяльную дапамогу ў адпаведнасці з заканадаўствам, паўдзельнічаць у грамадскім жыцці (канцэрты, акцыі, валанцёрскія праекты і інш.)

Звяртацца на адрас: г. Віцебск, вул.1-я Пралетарская, д.20, каб. №24

тэлефон: 8 (0212) 37-20-17

Сацыяльны патранат – сацыяльная паслуга, якая прадугледжвае комплекснае суправаджэнне сем'яў/грамадзян, якое рэалізуецца на аснове міжведамаснага ўзаемадзеяння і накіравана на пошук знешніх і ўнутраных рэсурсаў для неабходных пераўтварэнняў. Асноўныя прынцыпы аказання паслугі сацыяльнага патранату:

1. добраахвотнасць;
2. сістэмнасць і комплекснасць;
3. мінімальнае ўмяшанне ў жыццёвую прастору сям'і;
4. актыўны ўдзел самой сям'і (грамадзяніна) у вырашэнні ўласных праблем.

Паслуга сацыяльнага патранату аказваецца па заяўным прынцыпе пры асабістым звароце паўналетніх грамадзян, на падставе пісьмовай заявы.

У рамках паслугі сацыяльнага патранату спецыяліст Цэнтра:

• праводзіць першаснае абследаванне ўмоў пражывання грамадзян;
• складае індывідуальны план суправаджэння;
• прыцягвае да работы груп узаемадапамогі і клубаў, якія функцыянуюць у Цэнтры;
• аказвае паслугі псіхалагічнага і сацыяльнага кансультавання;
• аказвае садзейнічанне ў працаўладкаванні, атрыманні розных відаў сацыяльнай падтрымкі (пры неабходнасці);
• аказвае пасярэдніцтва ў аказанні рэчавай і гуманітарнай дапамогі.

На падставе нарматыўных дакументаў спыненне аказання паслугі сацыяльнага патранату да заканчэння тэрміну заканчэння дагавора ажыццяўляецца па заяве асобы, якая заключыла дагавор, або ў выпадку невыканання грамадзянамі абавязацельстваў, прадугледжаных планам суправаджэння..